23 a 29 de outubro: Semana Mundial da Alfabetización Mediática e Informacional (AMI) a proposta da UNESCO
A Alfabetización Mediática e Informacional é ese conxunto de competencias necesarias para sobrevivir no século XXI.
En séculos pasados abondaba con saber ler e escribir; mais hoxe en día co rebumbio de información que nos chove por todas partes, como distinguimos o que é fiábel do que é trola?
Velaquí uns truquiños para “que non cha colen”:
“Coa propagación dos rumores e a distorsión dos feitos, a fronteira entre o verdadeiro e o falso volveuse borrosa. Isto está a socavar as propias bases das nosas sociedades e democracias e poñendo en risco vidas a través da propagación de curas falsas, o impulso de teorías da conspiración sobre as vacinas, ou a propagación do racismo e dos discursos de odio. Neste diluvio de información, necesitamos máis puntos de referencia e un pensamento máis racional. E por iso a alfabetización mediática e informacional é unha habilidade chave para a educación dos cidadáns do século XXI“.
Audrey Azoulay. Directora Xeral da UNESCO
Bibliotecas Escolares convídante a unirte ao reto “Ollo, Piollo!!“:
Crea o teu contido ou mensaxe audiovisual (texto, música, vídeo, imaxe, animación, audio, videoxogo, reportaxe, fotografía,…) co que crear conciencia na comunidade sobre o que é a AMI.
Lémbrate de usar os cancelos #bescolaresgal #XBEGA23 #ollopiollo #AMInabiblio